« Gaige pleige de la seigneurie et commanderie de Sainct-Estienne-de-Renneville, tenus audit lieu par nous, Jacques Hersent, bachellier en chacun droit, sénéchal dudict lieu, le jeudy et vendredy pénultième et dernier jours d'avril 1546, par continuation et terméement des derniers pletz tenus le huictiesme jour de cedict moys d'apvril cinq cent quarante-cinq, néanmoins que aient esté de rechef termez à yssue des messes paroissiales, c'est assçavoir : de Saincte-Colombe, par Henry Thierry ; du Tilleul-Lambert et Sainct-Ligier, par PerrotBense ; de Sémerville, par Marguerin de Sacquen-ville ; et de Tournedos, par Pierre Thubye, tous prevostz ausdictes paroisses, ainsy qu'ilz ont recordé, présence desdicts presvotz, de frère Pierre Josseaulme, procureur et recepveur de ceste seigneurie, Jacques Bonnel, ser. Gent baronnal, Raoul Bonnerye, verdier, Jehan Pignard, sieur de la Gayère et plusieurs autres ».